ұрыс пен операцияны инженерлік қамтамасыз ету

(Инженерное обеспечение боя и операции)

өз әскерлеріне (күштеріне) ұрыста және операцияда қолайлы жағдай жасау, инженерлік оқ-дәрімен қарсыласты көп шығынға ұшырату жаппай қырып-жою құралдарының барлық түрлерінен әскерлер мен объектілердің қорғанысын күшейту, қарсыластың қимылын қиындату мақсатында жүргізілетін инженерлік шаралар кешені. Ұрыс пен операцияны инженерлік қамтамасыз ету қажеттілігі ертеде пайда болған. Бертін келе ол "әскери-инженерлік" іс деп атала бастады."Ұрыс пен операцияны инженерлік қамтамасыз ету" термині қазіргі әскери өнерде бертінде ғана қолданыла бастады. Ерте кезден-ақ мемлекеттің шекарасын қорғау үшін және маңызды экономикалық және саяси орталықтарды қорғау үшін сол кездегі ірі бекіністер және басқа да қорғаныс құрылыстары салынған.